బ(బు)ల్లి తెలివి!

మా ఇంట్లో బల్లులు ఎక్కువగా వున్నాయి. వాటిని ఎలా వదిలించుకోవాలో అని వెబ్ లో కొంత రిసెర్చ్ చేసాను. కొంత మంది ఎగ్ షెల్స్ ని బల్లులు ఎక్కువగా తిరిగే చోట్ల పెట్టమని సలహా ఇచ్చారు.

నిన్న సాయంత్రం మా ఇద్దరమ్మాయిలకి ఆమ్లెట్స్ వేసిచ్చి, ఆ ఎగ్ షెల్స్ ని కిచెన్ ఫాల్స్  సీలింగ్ కార్నర్స్ లో పెట్టడం మొదలు పెట్టాను. పెద్దమ్మాయి అడిగింది "డాడీ, ఎందుకు అలా చేస్తున్నావు?" నేను నా వెబ్ రిసెర్చ్ తన ముందు ప్రదర్శించడానికి ఇలా చెప్పడం మొదలు పెట్టాను. "బల్లికి స్నేక్స్ అంటే భయం. అందుకే బల్లులు ఆ ఎగ్ షెల్స్ చూసి ఈ ఇంట్లో ఏదో పెద్ద స్నేక్ వుందనుకోని పారిపోతాయ్". ఇంతలో మా చిన్నమ్మాయి అంటుంది  "డాడీ, పెద్దగా మాట్లాడకు, బల్లులకి మన ప్లాన్
తెలిసిపోతుంది!"

అల్లం వేసిన పెసరట్టు from movie అత్తారింటికి దారేది Parody song ("veedu Aaradugula Bullettu" from the movie "Attarintiki Daredi")

Original song and Lyrics here: http://www.lyriclahari.com/2013/07/aaradugula-bullettu-song-lyrics.html

అదనపు కొవ్వు పెరిగి మంచ మెక్కిపోయిన ఊబ మనిషి కోసం
తరలింది తనకుతానే ఆహారం, ఫలహారం
తెరిచిననోటినుంచి నేల జారిపోయిన చీకు ముక్క కోసం
వంగింది చూడు సగమె తన దేహం అతి కష్టం

పెసరట్టో మినపట్టో
వదలద్దో దీని పనిపట్టో
దున్నపోతు వొంటి లాంటి నైజం
వీడు ఎనుములన్ని ఒక్కటైన భారం

రక్కసుడో రాక్షసుడో
మెస్సులకే శిక్షకుడో

చుట్టుకొలత లేని వింత మ్రుగం
చిన్న బావిలోతు అన్నమైనా  మాయం

నడిచొస్తే దడిపించు బూచి
పరిగెడితే అదురును భూమి

హలీమునే హరించినా అష్టనిక్రుష్టుడో
తిను ఆరడుగుల మినపట్టూ
తిను అల్లం వేసిన పెసరట్టూ...

చరణం: అరకేజీ అన్నాన్నే 
అరనిముషం సమయములో
అవలీలగ ఆర్చేస్తాడూ

మొలతాడే తెంచుకొనీ
పైకెదిగిన ఉదరానికి
కనిపించని చొటే చూపిస్తాడూ

తిండిలో, నిద్రలో
భీముని మించిన మానవుడో

తినుటకే బతికెడీ 
అసహ్యుడు వీడురో 

తిను ఆరడుగుల మినపట్టూ
తిను అల్లం వేసిన పెసరట్టూ...

చరణం: మితిమించిన ఆకలితో
తినిపెంచిన కండలనీ
కరిగించని వంచని తుచ్ఛుడు వీడు

వడి వడిగా పరిగెత్తి
అపుడెపుడొ కనుమరుగై
అగుపించని జడబర్రె ఇతనూ

సాంబారె జుర్రేసి అలసిన సొలసిన సోమరుడు
సంద్రాన్నే తాగేసే సమర్ధుడు వీడురో

తిను ఆరడుగుల మినపట్టూ
తిను అల్లం వేసిన పెసరట్టూ...