ప్రసంగాలు

👍అవధానంలో
అప్రస్తుత ప్రసంగాలు👌

1 . రైలు పట్టాలకూ,
     కాలిపట్టాలకూ
     అనుబంధం ఏమిటి?

రైలు పట్టాల  మీద వుంటుంది,
కాలి మీద పట్టాలుంటాయి.

2 .కనలేని స్త్రీమూర్తి ఎవరు?

న్యాయస్థానము లో వున్న
న్యాయదేవత .
కళ్ళకు గంతలు
కట్టి వుంటారు కదా!

3 .సోమవారాన్ని
    'మండే' అనెందుకంటారు?
    ఆదివారం హాయిగా
    భోంచేసి పడుకుంటాము
    కదా!

సోమవారం పొద్దున్నే
పనికెళ్లాలంటే ఒళ్ళు
మండుతుంది కదా!
అందుకని 'మండే' అంటారు.

4 . ఒక పిల్లవాడు
     ఇంటినుండి పారిపోతే
     కనిపించుటలేదు .
     అని ప్రకటిస్తారు కదా!
     దానికి పిల్లాడి
     స్పందన ఏమిటి?

కని-పెంచుట లేదు .

5 . ఈ రోజుల్లో పిల్లలు
     తల్లిని Head Cook గా
     చూస్తున్నారు .
     మరి తండ్రిని
     ఎలాచూస్తున్నారు?

ATM    లాగా చూస్తున్నారు.

6 . సభలో ఎవరైనా
      ఆవులిస్తే మీరేమి చేస్తారు?

పాలిచ్చేవైతే అవధానం
అయ్యాక యింటికి తోలుకెళ్తా .

7 . మనిషికి
      ఆనందాన్నిచ్చే సిటీ ఏది?

 ----  'పబ్లిసిటీ '

8 . తుద+ తుద =తుట్టతుద,
      కడ  +కడ = కట్టకడ
      అవుతుంది కదా!
      అరటి + అరటి
      ఏమవుతువుంది?

అర టీ+ అర టీ
ఫుల్ టీ అవుతుంది.

9 . క్రికెట్ ప్లేయరుకీ
     అవధానికీ
     సామ్యం ఉందా?

వాళ్ళు  world play కి
వెళ్తారు ,
మేము  words play కి
వెళ్తాము.

10 . 'పురుషులందు
         పుణ్యపురుషులు
         వేరయా' అన్నాడు
         వేమన .
         ఇప్పుడు మీరేమంటారు?

"పురుషులందు
పుణ్యపురుషులు
ఏరయా? అంటాను.

11 . దేవుని గుడికి
        తాళం వెయ్యాలా?         

భజన జరిగే చోట
తాళం తప్పనిసరి.

12 . అద్దంముందున్న
        ఆడువారికీ,
        మైకుముందున్న
        అమాత్యులకీ
        తేడా ఏమిటి?

ఇద్దరికీ సమయం తెలియదు.

పై  అప్రస్తుత ప్రసంగాలు
డా. రత్నాకరం రాము గారి
'ఆ- ప్రస్తుతప్రసంగాలు '
అనే గ్రంథం లోనివి,
వారి సౌజన్యానికి
ధన్యవాదములు.

సేకరణ :- డా. రామడుగు
               వేంకటేశ్వరశర్మ